Ամենից շատ կարդացված նյութեր
.jpg "Վրաստանում հարձակվել են հայ գործարարի վրա")
Վրաստանի արևմտյան մասում գտնվող Օզուրգետի քաղաքում անհայտ անձինք հարձակում են գործել Հայաստանի քաղաքացի գործարարի վրա ու նրանից գողացել խոշոր չափի գումար:
«Գրուզիա օնլայն»-ի փոխանցմամբ, տուժածը 31-ամյա Արթուր Սուքիասյանն է: Գուրիայի շրջանում նա մի քանի խանութ ունի:
Աղբյուրը մանրամասնում է, որ նրա վրա հարձակվել են այսօր առավոտյան իր տան մուտքի մոտ: Դիմակավորված երկու տղամարդ նրա գլխին բութ գործիքով հարվածներ են հասցրել, ինչից հետո մոտ 12 հազար դոլարի չափ գումարը գողացել:
Այդ պահին գործարարը պատրաստվում էր գնալ Թբիլիսիում գտնվող Լիլո անունով հայտնի շուկան, իր խանութների համար առևտուր անելու նպատակով: Այդ պատճառով է, որ նրա մոտ այդքան մեծ գումար է եղել:
Այս պահին Սուքիասյանը հիվանդանոցում է: Բժիշկները վստահեցրել են՝ նրա կյանքին վտանգ չի սպառնում: Հանցագործները դեռ ձերբակալված չեն:
Studio One