Վրաստանում հարձակման ենթարկված հայ գործարարը դուրս է գրվել հիվանդանոցից

Վրաստանի Օզուրգեթի քաղաքում ավազակային հարձակման հետևանքով տուժած ՀՀ քաղաքացի Արթուր Սուքիասյանը դուրս է գրվել հիվանդանոցից և այժմ գտնվում է տանը։ Այս մասին Panorama.am-ին հայտնեցին Վրաստանում ՀՀ դեսպանությունից:

«Տուժածն իրեն լավ է զգում։ Վրաստանում ՀՀ դեսպանությունը մշտական կապ է պահպանում իրավապահ մարմինների հետ»,-տեղեկացնում են դիվանագիտական ներկայացուցչությունից:

Հիշեցնենք, որ հունվարի 13–ին  Վրաստանում դիմակավորված երկու տղամարդ հարձակվել են 31-ամյա գործարարի վրա, նրա գլխին բութ գործիքով հարվածներ են հասցրել, գողացել նրա մոտ եղած 12 հազար դոլարի չափ գումարը: Վրացական լրատվամիջոցների փոխանցմամբ,  նա Գուրիայի շրջանում նա մի քանի խանութ ունի: