Բասկետբոլ. Իսպանացի մրցավարը սեմինար կանցկացնի Հայաստանում

Փետրվարի 15-ից 18-ը Երևանում կանցկացվի բասկետբոլի մրցավարական սեմինար: Հայաստանի բասկետբոլի ֆեդերացիայի և ՖԻԲԱ-Եվրոպայի հրավերով սեմինարը կվարի իսպանացի հայտնի մասնագետ Ֆերնանդո Գարսոնը:

ՀԱՕԿ լրատվականից տեղեկանում ենք, որ սեմինարի ընթացքում հայ մրցավարները կսպասարկեն նաև Հայաստանի մինչև 12-13 տարեկանների առաջնության եզրափակիչ հանդիպումները, որոնք կկայանան Օլիմպավանում:

Ֆերնանդո Գարսոնը փորձառու մրցավար է, որը վերջին տարիներին զբաղվում է մրցավարների վերապատրաստմամբ՝ համագործակցելով ՖԻԲԱ-ի և Իսպանիայի բասկետբոլի ֆեդերացիայի հետ: