Ամենից շատ կարդացված նյութեր
.png "Կներկայացվեն առաջարկություններ՝ ուղղված մաքսազերծման խոչընդոտների վերացմանը")
Կներկայացվեն առաջարկություններ՝ ուղղված մաքսազերծման խոչընդոտների վերացմանը
ՀՀ կառավարության այսօրվա նիստում վարչապետ Կարեն Կարապետյանի հաջորդ հանձնարարականը վերաբերում էր արգելանքի հետևանքով մաքսազերծման խոչընդոտների վերացմանը:
Վարչապետի խոսքով՝ իրականացված ուսումնասիրությունների արդյունքում վերհանվել են ապրանքների մաքսազերծման խափանման դեպքեր, որոնք պայմանավորված են եղել ֆիզիկական կամ իրավաբանական անձի գույքի վրա արգելանքի առկայությամբ։
«Նշվածի արդյունքում սահմանափակվում է մաքսազերծման գործընթացը և անձանց ապրանքի օգտագործման կամ տնօրինման հնարավորությունը»«- նշեց նա։
Հաշվի առնելով վերոնշյալը՝ Կարեն Կարապետյանը հանձնարարեց Արդարադատության նախարարին և Պետական եկամուտների կոմիտեի նախագահին 20- օրյա ժամկետում համատեղ մշակել և Կառավարության աշխատակազմ ներկայացնել անձի գույքի կամ դրամական միջոցների արգելանքի առկայության դեպքում ապրանքների մաքսազերծման խոչընդոտների վերացմանն ուղղված առաջարկություններ:
«Իրականում, անհասկանալի է, եթե մարդը ապրանք է ներմուծում Հայաստան և ունի արգելանք իր հաշվի վրա, ինչո՞ւ ենք մենք իրեն այդ հարցում սահմանափակում, եթե դա է հնարավորությունը նույն այդ պարտավորությունը կատարելու համար: Համենայնդեպս, նայեք, կարծում եմ, այնտեղ խնդիր ունենք», - ասաց նա:
Studio One