Ամենից շատ կարդացված նյութեր
.png "Տարոն Մարգարյան. «Մայրաքաղաքի կենտրոնի ավտոտրանսպորտային հոսքերի բեռնաթափումը մեզ համար կարևոր առաջնահերթություն է»")
Տարոն Մարգարյան. «Մայրաքաղաքի կենտրոնի ավտոտրանսպորտային հոսքերի բեռնաթափումը մեզ համար կարևոր առաջնահերթություն է»
Երևանի հյուսիսային և հարավային մուտքերն ու թվով 4 վարչական շրջաններն իրար կապող 23 կիլոմետր երկարությամբ նոր ճանապարհն իսկապես կարևոր դերակատարում կունենա մայրաքաղաքի կենտրոնի երթևեկության բեռնաթափման հարցում: Այս մասին հայտարարել է Երևանի քաղաքապետ Տարոն Մարգարյանի Դավիթաշեն վարչական շրջանի աշխատակազմի հետ հանդիպմանը:
«Մայրաքաղաքի կենտրոնի ավտոտրանսպորտային հոսքերի բեռնաթափումը մեզ համար կարևոր առաջնահերթություն է և, ինչպես գիտեք, այդ ուղղությամբ արդեն մի քանի տարի է, ինչ նպատակային ծրագրեր ենք իրականացնում»,-ասել է քաղաքապետը:
Տարոն Մարգարյանը կարևորել է, որ նոր ճանապարհները կառուցվում են եվրոպական չափորոշիչներին համապատասխան ու աչքի են ընկնում իրենց հարմարավետությամբ և որակական բարձր հատկանիշներով:
Քաղաքապետարանի տեղեկատվության ու հասարակայնության հետ կապերի վարչության փոխանցմամբ, Տարոն Մարգարյանը նշել է, որ բացի առօրյա կենցաղային հարցերից, քաղաքային իշխանությունը պետք է ուշադրություն դարձնի երկարաժամկետ և զարգացմանը միտված ծրագրերի իրականացմանը:
«Երևանի զարգացման հնգամյա ծրագիրը ունի մեկ նպատակ. ապահովել մայրաքաղաքի վարչական շրջանների համաչափ զարգացումը », - նշել է քաղաքապետը:
Studio One