«Ժողովուրդ». Վարարած Դեբեդի դեմն առնում են վրացիները, իսկ մեր մոտ ի՞նչ է արվում

«Ժողովուրդ» օրաթերթը գրում է. «Հայաստանի և Վրաստանի տարածքների սահմանազատումը չի ավարտվել: Հայաստանի և Վրաստանի միջև միջպետական սահմանագծերից մեկը համարվում է Դեբեդ գետը, որի հունը գարնանային վարարումներից հետո փոխվում է: Վրացիները ամեն տարի միջոցներ են ձեռնարկում` գետի վրացական ափը ամրացնելու համար: Վերջին տարիներին գետի հայկական ափում այդպիսի աշխատանքներ չեն իրականացվել: Վարարած Դեբեդը հանդիպելով բետոնապատ, գաբիոններով ամրացված վրացական ափին` իր ողջ զորությունը «թափում» է, քանդում է գետի աջակողմյան, հայկական ափը, որի հետևանքով ամեն տարի Հայաստանի տարածքը որոշակի չափով փոքրանում է:

2010թ. գարնանը վարարած Դեբեդը Դեբեդավան գյուղում քշել-տարել է 2.8 հեկտար տարածք, որից 7000 քառակուսի մետրը գյուղի բնակիչ Ալեքսեյ Մելիքսեթյանի դեղձի այգին էր:

Թերթը Տավուշի մարզպետարանից տեղեկացել է, որ վերջին 3 տարում Դեբեդի ափերի ամրացում, ափապաշտպան կառույցների շինարարություն կամ նորոգում չի կատարվել:

Մանրամասները թերթի այսօրվա համարում: