Ադամանդի արտադրությունը Հայաստանում ծաղկում է

Հայաստանում աճել են ադամանդի և ոսկերչական իրերի արտադրության ծավալները:

Panorama.am-ը Ազգային վիճակագրական ծառայությունից տեղեկանում է, որ 2017 թվականին Հայաստանում արտադրվել է  204 հազար 102 կարատ ադամանդ՝  2016 թվականի համեմատ աճելով  62.7 տոկոսով:

2016 թվականին Հայաստանում արտադրվել է  125 հազար 431 կարատ ադամանդ:

Նշենք, որ Հայաստանում մշակվող ադամանդի հումքը առավելապես ներմուծվում է Ռուսաստանից, Բելգիայից և Իսրայելից:

Ինչ վերաբերում է ոսկերչական իրերին, ապա 2017 թվականին հանրապետությունում  արտադրվել է 1 929.2 կգ ոսկերչական արտադրանք,  ինչը 2016 թ-ի համեմատ 2.5 անգամ ավելի է: 2016թ-ի Հայաստանում արտադրվել է 781.2 կգ ոսկերչական արտադրանք: