Կարայան. Մեծ հույս ունենք, որ Թեղուտի ծրագիրը շուտով կվերագործարկվի

«Ելք» խմբակցության անդամ Լենա Նազարյանն ԱԺ-ում կառավարության հետ հարց ու պատասխանի ժամանակ հետաքրքրվեց, ինչպես ստացվեց, որ շատ հեռանկարային համարվող Թեղուտի ներդրումային ծրագիր իրականացնող ընկերությունը հանկարծ հայտարարում է՝ փակվում է:

Պատգամավորը հիշեցրեց, որ ծրագրի իրականացման համար  անտառ է  հատվել, գետեր են աղտոտվել:

Տնտեսական զարգացման և ներդրումների նախարար Սուրեն Կարայանը հայտարարեց, որ Թեղուտի ծրագիրը չի փակվել, ժամանակավորապես դադարի փուլում է, տեխնիկական որոշակի խնդիրներ կան:

«Մեծ հույս ունենք, որ այս տարվա վերջ կամ մյուս տարվա սկիզբ Թեղուտի ծրագիրը կվերագործարկվի»,-ասաց նախարարը:

Գործադիր մարմնի ներկայացուցիչը հույս հայտնեց, որ այս ընթացքում ընկերությունը կկարողանա լուծել նաև բնապահպանական խնդիրները: