«Ժամանակ». Կարապետյանի թիմակիցները վստահեցնում են, որ Սերժ Սարգսյանը խոստացել է երկու տարի աշխատել վարչապետի պաշտոնում

«Ժամանակ»-ը գրում է. «Վարչապետ Կարեն Կարապետյանի թիմակիցները վստահեցնում են, որ Սերժ Սարգսյանը խոստացել է ընդամենը երկու տարի աշխատել վարչապետի պաշտոնում, որից հետո այդ պաշտոնը փոխանցելու է Կարեն Կարապետյանին: Այս խոսակցությունները իսկական դեժավյու են, որովհետև Սերժ Սարգսյանը արդեն մի քանի անգամ և առնվազն երկու մարդու խոստացել է փոխանցել իշխանությունը, և երբ եկել է այդ սպասված պահը, իշխանության փոխանցման փոխարեն՝ նոր ժամկետ է հրապարակվել: Կասկած չկա, որ նույնն է լինելու նաև երկու տարի հետո, բայց կարևոր է, որ հույս կա»:

Մանրամասները թերթի այսօրվա համարում։