GRENKE Chess Classic. Լևոն Արոնյանը ոչ-ոքի է խաղացել Վիշվանաթան Անանդի հետ

Գերմանիայում երեկ կայացել է GRENKE Chess Classic մրցաշարի 3-րդ տուրը, որում Լևոն Արոնյանի մրցակիցն է եղել աշխարհի նախկին չեմպիոն Վիշվանաթան Անանդը: Պարտիան ունեցել է հավասար ընթացք, և 31-րդ քայլին կողմերը հաշտություն են կնքել:

Հայաստանի շախմատային ֆեդերացիայի փոխանցմամբ՝ 2-րդ անընդմեջ հաղթանակը տոնել է Մաքսիմ Վաշիե-Լագրավը. նրա մրցակիցն է եղել Հոու Յիֆանը: Մրցաշարում առաջին հաղթանակը տոնել է Ֆաբիանո Կարուանան: Աշխարհի չեմպիոն Մագնուս Կարլսենը չի կարողացել հաղթանակի կոտրել Մաթիաս Բլյուբաումի պաշտպանություն. 60-րդ քայլին գրանցվել է ոչ-ոքի: Միավորը կիսել են նաև Նիկիտա Վիտյուգովը և Արկադի Նայդիչը: