Բակո Սահակյանը հանդիպել է երիտասարդ գյուղատնտեսներին

Արցախի Հանրապետության Նախագահ Բակո Սահակյանն նախօրեին Արաքսավան բնակավայրում հանդիպում է ունեցել մի խումբ երիտասարդ գյուղատնտեսների հետ:

ԱՀ նախագահի աշխատակազմի տեղեկատվության գլխավոր վարաչությունից հայտնում են, որ քննարկվել են գյուղատնտեսության զարգացմանը վերաբերող տարբեր հարցեր:

Նախագահն ընդգծել է, որ այն մեր երկրի տնտեսության ավանդական ճյուղերից է` ոլորտում երիտասարդ ներուժի ներգրավումը համարելով գյուղատնտեսության շարունակական զարգացման ապահովման կարևոր հիմքերից մեկը:

Հանդիպմանը մասնակցել են պետնախարար Արայիկ Հարությունյանը, պաշտոնատար այլ անձինք: