«Ոսկե խաղակոշիկ»-ին հավակնում են Սալահն ու Մեսին

Ամփոփվել են Եվրոպական սպորտային հրատարակությունների ասոցիացիայի «Ոսկե խաղակոշիկ» մրցույթի նախնական արդյունքները: sport-express-ի փոխանցմամբ՝ առաջատարը Մոհամեդ Սալահն է (Լիվերպուլ): Նա հավաքել է 60 միավոր՝ Անգլիայի առաջնությունում խփելով 30 գոլ:

Լավագույն ռմբարկուի վարկանիշային աղյուսակը կազմվում է հետևյալ կերպ. գոլեր, որոնք խփվել են առաջնությունում՝ հաշվարկվում են լիգայի գործակցի հիման վրա (այն կախված է ՈՒԵՖԱ-ի վարկանիշում երկրի զբաղեցրած դիրքերից):

Երկրորդ հորիզոնականը զբաղեցնում է «Բարսելոնա»-ի հարձակվող Լիոնել Մեսին՝ խփած 29 գնդակով ու 58 միավորով:

Երրորդ տեղում է Հռոմի «Լացիո»-ի հարձակվող Չիրո Իմոբիլեն՝ 27 գոլով ու 54 միավորով: