Փաշինյան. Շարունակելու ենք մեր քայլերը

ՀՀ վարչապետ Սերժ Սարգսյանի հետ հանդիպումից հետո ԱԺ պատգամավոր Նիկոլ Փաշինյանը լրագրողների հետ զրույցում հայտարարեց, որ շարունակելու են իրենց գործողությունները:

Այսօր երեկոյան էլ Հանրապետության հրապարակում հանրահավաք են նախատեսում. «Մենք պետք է ուժեղացնենք ճնշումը»:

Անդրադառնալով մարտի 1-ի վերաբերյալ Սերժ Սարգսյանի դիտարկմանը, Փաշինյանը հայտարարեց. «Մարտի 1-ը չի կարող կրկնվել, հենց մարտի 1-ի հիշատակումը վկայում է, որ Սերժ Սարգսյանը չի տիրապետում իրավիճակին»:

Փաշինյանը լրագրողների անհանգստությանն ի պատասխան կարդաց «Ցույցերի ու հանրահավաքների մասին» օրենքի հոդված, ըստ որի՝  «Եթե հավաքը խաղաղ բնույթ ունի, ապա ոստիկանությունն իր իրավասությունների սահմաններում պարտավոր է աջակցել հավաքին»։

Փաշինյանը նշեց, որ, ՀՀ նախագահ Արմեն Սարգսյանի հետ երեկվա զրույցում պայմանավորվել էին հանդիպման տեղի, ժամի, օրակարգի, հանդիպումը ուղիղ եթեր հեռարձակելու մասին: