Մեկ օրում հանրապետությունում արձանագրվել է 11 ՃՏՊ, տուժել է 16 մարդ

Ըստ ոստիկանության օպերատիվ հաղորդագրությունների ամփոփագրերի` ապրիլի 26-ից 27-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 23 դեպք։

Մասնավորապես՝ մարմնական վնասվածք հասցնելու 10, խարդախության 3, բռնաբարության կամ բռնաբարության փորձի և անձնական ունեցվածքի գողության 2-ական, սպանության փորձի, կողոպուտի, յուրացման կամ վատնման, դրամանենգության, պաշտոնեական լիազորությունների չարաշահման և իշխանության ներկայացուցչի նկամամբ բռնության 1-ական դեպք։

Գրանցվել է զենք-զինամթերքի կամավոր հանձնման 2 դեպք։

Ընդհանուր առմամբ հանձնվել է 2 նռնակ, ինքնաձիգի 1 պահունակ և տարբեր տրամաչափի 78 փամփուշտ։

Նախկինում կատարված հանցագործություններից բացահայտվել է անձնական ունեցվածքի գողության 1 դեպք:

Անցած 1 օրվա ընթացքում հանրապետությունում արձանագրվել է ճանապարհատրանսպորտային 11 պատահար, ինչի հետևանքով 16 մարդ ստացել է տարբեր աստիճանի մարմնական վնասվածքներ: