Թրամփի որոշման արձագանքները՝ Միացյալ Նահանգներում և Իրանում

Իրանի միջուկային ծրագրի վերաբերյալ ԱՄՆ նախագահի կայացրած որոշումը միանշանակ չի ընկալվել ինչպես Վաշինգտոնում, այնպես էլ Թեհրանում: Ֆեյսբուքյան իր էջում նման կարծիք է հայտնել իրանագետ Արմեն Իսրայելյանը:

«Եթե մինչև միջուկային համաձայնությունը թե՛ Իրանում և թե՛ Միացյալ Նահանգներում քաղաքական ուժերը մեծ հաշվով ունեին ընդհանուր մոտ դիրքորոշում, ապա ներկայում իրավիճակն այլ է»,-նկատել է նա:

Իսրայելյանն ուշագրավ է համարում այն,  որ ԱՄՆ գործող վարչակարգի ընդդիմախոսները դեմ են արտահայտվել Թրամփի որոշմանը, իսկ Իրանի կառավարության ընդդիմախոսները՝ կողմ, ընդ որում, Իրանի քաղաքական և զինվորական որոշ շրջանակներ նույնիսկ ցնծությամբ են դիմավորել ԱՄՆ-ի որոշումը: