Թուրքիան հայտարարել է Ռուսաստանը շրջանցող գազամուղի մեկնարկի մասին

Թուրքիայի էներգետիկայի և բնական պաշարների նախարար Բերաթ Ալբայրաքը հաղորդել է, թե երբ են պատրաստվում շահագործման հանձնել «Տրանսանատոլիական գազամուղը» (TANAP)։ Հղում անելով թուրքական լրատվամիջոցներին՝ «Վեստի.ռու»-ն գրում է, որ դա տեղի կունենա հունիսի 12-ին։

16 միլիարդ խորանարդ մետր հզորությամբ TANAP գազամուղը տեղակայված կլինի Թուրքիայի հետ Վրաստանի սահմանին և կդառնա այլընտրանք ռուսական գազի Եվրոպա մատակարարման համար։

TANAP- ը և Տրանսադրիատիկ գազամուղը (TAP) հանդիսանում են «Հարավային գազային միջանցքի» նախագծի մի մասը: Ենթադրվում է, որ նրա միջոցով Ադրբեջանից 10 միլիարդ խորանարդ մետր գազի տեղափոխում կիրականացվի Վրաստանով և Թուրքիայով դեպի Եվրոպա: