Մահացել է ամերիկացի ժամանակակից գրող Ֆիլիպ Ռոթը

85 տարեկանում ԱՄՆ-ում մահացել է ամերիկացի գրող Ֆիլիպ Ռոթը: Այդ մասին հայտնել է The New York Times-ը, գրում է ՏԱՍՍ գործակալությունը:

Գրականագետի մահվան լուրը թերթին հաստատել է նրա ընկերուհին՝ Ջուդիթ Թուրմանը:

Ըստ աղբյուրի, վերջին տարիներին Ռոթն ապրում էր  Նյու Յորքի և Կոննեկտիկուտի նահանգներում:

Ֆիլիպ Ռոթը ամերիկացի ժամանակակից ամենահետաքրքիր ու ընթերցվող հեղինակներից մեկն է: Գրել է 20-ից ավելի վեպեր, որոնց թվում են «Պորտնոյի ցավը», «Դավադրություն Ամերիկայի դեմ», «Սովորական մարդը»:

Գրողը Միջազգային Բուքերյան մրցանակի, Պուլիտցերյան մրցանակի, ինչպես նաև  Կաֆկայի գրական մրցանակի դափնեկիր է: