Դավիթ Պետրոսյան. Դադարեցնում ենք բողոքի ակցիաները

ԵՊՀ ռեկտորի հրաժարականը պահանջող նախաձեռնությունը դադարեցնում է բողոքի ակցիաները: Այս մասին հայտարարել է «ԵՊՀ ռեստարտ» նախաձեռնության անդամներից Դավիթ Պետրոսյանը:

«ԵՊՀ ռեկտոր Արամ Սիմոնյանին մաղթում ենք առողջություն և ի աջակցություն դադարեցնում ենք բողոքի ակցիաները:

Գիտխորհրդի դահլիճը շարունակում է մնալ ազատագրված ուսանողական տարածք: Տարածքը բաց է քննություններ պարապելու համար:

Պատրաստ և ուրախ կլինենք հանդիպել նաև մեր դասախոսներին»,-ֆեյսբուքյան իր էջում գրել է նա: