Չեչնիայում Սալահի ծննդյան օրը նրան 100 կիլոգրամանոց տորթ են նվիրել

Չեչեն երկրպագուները Եգիպտոսի հավաքականի ֆուտբոլիստ Մոհամեդ Սալահին իր ծննդյան օրը 100 կլիոգրամանոց տորթ են նվիրել, գրում է «Գազետա.ռու»-ն։

«Հավաքականը օդանավակայանից եկավ վատ տրամադրությամբ, սակայն հյուրանոց մտնելուն պես ֆուտբոլիստներին սպասում էր երեք հարկանի տորթ՝ շնորհավորական գրությամբ և ոսկեգույն մարզակոշիկով։ Տեսնելով տոնական մթնոլորտը՝ Սալահն ու մյուս ֆուտբոլիստները սկսել են ժպտալ, այնուհետ հոբելյարը փչել է  տորթի մոմերը»,- պատմել է տոնակատարության ականատեսը։

Հիշեցնենք, որ Եգիպտոսի ֆուտբոլի հավաքականը մեկնարկային խաղում 0։1 հաշվով պարտություն էր կրել Ուրուգվայի հավաքականից։ Հաջորդ հանդիպումը Եգիպտոսի հավաքականը կանցկացնի հունիսի 19-ին՝ Ռուսաստանի հավաքականի հետ։ Խաղը կկայանա «Սանկտ Պետերբուրգ» մարզադաշտում։