ԿԳ նախարար. Չեխովի դպրոցը չունի տարրական հանրակրթական ծրագրի արտոնագիր

«Չեխովի դպրոցը չունի տարրական հանրակրթական ծրագրի արտոնագիր կամ ինչպես են «օլիգարխ» դպրոցները վերացնում մրցակցությունը»։ Ֆեյսբուքյան ուղիղ եթերում հայտարարել է ԿԳ նախարար Արայիկ Հարությունյանը։

Նրա խոսքով, այդ դպրոցը չունենալով արտոնագիր, նաև պայմաններ մի քանի հերթով դասեր է անցկացրել՝ հակամրցակցային պայմաններ ստեղծելով մյուս դպրոցների համար։ Նախարարը ծնողներին կոչ է անում երեխաներին առաջին դասարան տանելիս դպրոցի տնօրեններից անպայման հարցնել, թե արդյոք ունեն արտոնագիր կրթական գործընթաց կազմակերպելու համար:

«Ներկայում ստուգվում են արտոնագրերը, ու պարզվում է, որ կան այդպիսիք, որ առանց թույլատրելու աշակերտներ են ընդունում: Անպայման խնդրեք, թող ցույց տան արտոնագիրը, այլապես կարող է փաստի առաջ կանգնեք»,-գրել է նախարարը։

Ա. Հարությունյանի խոսքով, արտոնագիր չունեցող այլ դպրոցներ էլ կան, սակայն նշել է միայն Չեխովի դպրոցի անունը։