Տղամարդը հայտնել է Դոմոդեդովո օդանավակայանում տեղադրված ռումբի մասին

Մոսկվայի Դոմոդեդովո օդանավակայանում գտնվող մի տղամարդ հայտարարել է, որ իր մոտ ռումբ կա, գրում է «Գազետա.ռու»-ն։

Սակայն, ինչպես ավելի ուշ պարզվել է, տեղեկությունը կեղծ է եղել։ Ներկա պահին օդանավակայանն աշխատում է սովորական ռեժիմով։

Օդանավակայանի ներկայացուցիչ Ալեքսանդր Վլասովը նշել է, որ ներկա դրությամբ չվերթերի և ուղևորների սպասարկումը իրականացվում է բնականոն հունով։