Մեծ Բրիտանիայում տուգանել են քննական հանձնաժողովին՝ Շեքսպիր չիմանալու համար

Մեծ Բրիտանիայում 175 հազար ֆունտ սթեռլինգով՝ ավելի քան 230 հազար դոլարով տուգանել են քննական հանձնաժողովի անդամներին՝ դասական գրականություն չիմանալու համար:

Նյուզռու.քոմ-ի հաղորդմամբ, ավագ դասարանցիների քննական հանձնաժողովի անդամները շփոթել են Շեքսպիրի «Ռոմեո և Ջուլիետի» երկու թշնամի գերդաստանների ներկայացուցիչներին:

2017-ի մայիսին բրիտանացի 14 հազար ավագ դասարանցիներու, ովքեր գրականությունից քննությունն են հանձնել, ի թիվս այլ հարցերի հարցրել են.  «Ինչպե՞ս է Շեքսպիրի մեկնաբանմամբ, Տիբալտի ատելությունը Կապուլետտի ընտանիքի հանդեպ ազդում պիեսի ավարտի վրա»։ Սակայն Տիբալտը, լինելով Ջուլիետի զարմիկը, այսինքն Կապուլետտի ընտանիքի անդամ, չէր կարող ատելություն տածել իր ընտանիքի հանդեպ:

Հարցն իրականում պետք է լիներ դեպի Մոնտեկկիները նրա ատելության մասին, քանի որ Ռոմեոն պատկանում էր հենց այդ ընտանիքին, որոնք Կապուլետտիների թշնամիներն էին: Հանձնաժողովում ստուգումներ է սկսել կառավարական հատուկ կազմակերպությունը: Պարզվել է, որ սխալը թույլ է տրվել դեռ հարցերի նախապատրաստման փուլում: