Մսամթերքի շուկայում այս տարվա հունիսին արձանագրվել է 8.9% գնաճ

Մսամթերքի ապրանքախմբում 2018թ. հունիսին 2017թ. հունիսի համեմատ գրանցվել է 8.9% գնաճ, իսկ 2018թ. մայիսի համեմատ գների մակարդակը մնացել է անփոփոխ:

ՀՀ ազգային վիճակագրության համաձայն, հանրապետության դիտարկված 9 քաղաքներում 2018թ. հունիսին մայիսի համեմատ մսամթերքի գները նվազել են 1.6-0.2%-ով, (գնանկման ամենաբարձր ցուցանիշն արձանագրվել է ք. Վանաձորում), իսկ 2-ում գրանցվել է 0.5- 0.8% գնաճ: Մայրաքաղաքում մսամթերքի գներն աճել են 0.5%-ով:

Ըստ ԱՎԾ-ի՝ յուղերի և ճարպերի ապրանքախմբում էլ 2018թ. հունիսին 2017թ. հունիսի համեմատ արձանագրվել է 15.0%, իսկ 2018թ. մայիսի համեմատ`0.8% գնաճ:

2018թ. հունիսին մայիսի համեմատ ձկան և ծովամթերքի գները նույնպես աճել են 0.2%-ով: