Հարավային Կորեայի նախկին նախագահը դատապարտվել է ութ տարվա ազատազրկման

Հարավային Կորեայի դատարանի որոշմամբ՝  նախկին նախագահ Պակ Կին Հեն դատապարտվել է ութ տարվա ազատազրկման՝ պետական միջոցների  վատնման և կուսակացական գործունեությանը միջամտելու համար։ Այս մասին գրում է Գազետա.ռու կայքը՝ հղում անելով yonhapnews.co.kr կայքին։

Հստակեցվում է, որ Պակ Կին Հեն դատապարտվել է 6 տարվա ազատազրկման Ազգային հետախուզական գործակալության բյուջեից միջոցներ ստանալու և երկու տարվա ազատազրկման իշխող կուսակցությունից ընտրություններին թեկնածուների առաջադրմանը ապօրինի մասնակցության համար։

Բացի այդ, նա պետք է 3,3 միլիարդ վոն  (3 միլիոն դոլար) տուգանք վճարի։

Պակ Կին Հեն ձերբակալվել է 2017-ի մարտի վերջին։ Նրան մեղադրանք է առաջադրվել 18 կետերով, այդ թվում՝ կոռուպցիայի, կաշառակերության, պաշտոնական լիազորությունների չարաշահման, ինչպես նաև պետական տեղեկատվության բացահայտման համար։

Ավելի վաղ նա դատապարտվել էր 24 տարվա ազատազրկման կոռուպցիոն հանցագործություններ կատարելու համար։