Երևանի տիկնիկային թատրոնը մասնակցում է Բահրեյնում անցկացվող փառատոնին

«Մեր «Թռիչք քաղաքի վրայով» ներկայացումը շարունակում է իր համաշխարհային թռիչքը»,-գրված է Հովհաննես Թումանյանի անվան պետական տիկնիկային թատրոնում ֆեյսբուքյան էջում։

Միաժամանակ թատրոնից տեղեկացնում են, որ այս օրերին թատրոնը մասնակցում է Բայրեյնում անց կացվող ամենամյա թատերական փառատոնին՝ International Theatre Festival for Youth in Bahrain:

Այս անգամ Տիկնիկային թատրոնը  ներկայանալու է Անուշ Ասլիբեկյանի «Թռիչք քաղաքի վրայով» պիեսի Նարինե Գրիգորյանի բեմադրությունով:

«Թռիչք քաղաքի վրայով» -ը ներկայացվելու է սեպտեմբերի 6-ին։  

Դերերում հանդես են գալիս Նարինե Գրիգորյանը և Սերգեյ Թովմասյանը:

Լուսանկարները՝ Տիկնիկային թատրոնի և թատրոնի գեղարվեստական ղեկավար Ռուբեն Բաբայանի ֆեյսբուքյան էջերից։