Ռուսաստանի նկատմամբ պատժամիջոցները ազդեցություն կարող են ունենալ Հայաստանի վրա. նախարար

«Դեռ ամբողջական վերլուծություններ չկան այդ մասով»,- այս մասին այսօր լրագրողների հետ զրույցում ասաց ՀՀ տնտեսական զարգացման և ներդրումների նախարար Արծվիկ Մինասյանն՝ անդրադառնալով հարցին, թե ԱՄՆ պատժամիջոցները Ռուսաստանի դեմ ինչ ազդեցություն կունենան Հայաստանի տնտեսության վրա:

Նախարարի խոսքով՝ բնականաբար, ազդեցություններ կարող են լինել: «Դրանք պետք է հավասարակշռված ներկայացվեն, այսինքն՝ ազդեցություն թե՛ բացասական, թե՛ որոշակի հնարավորությունների ընձեռման տեսակետից: Առաջիկայում, երբ ունենանք առավել լիարժեք պատկերացում, այդ ժամանակ կներկայացնենք»,- ընդգծեց Արծվիկ Մինասյանը: