Հովիկ Աբրահամյանի դեմ քրեական գործ է հարուցվել 2 հոդվածով

Հայաստանի նախկին վարչապետ Հովիկ Աբրահամյանի նկատմամբ  քրեական գործ է  հարուցվել ՀՀ քրեական օրենսգրքի 309-րդ հոդվածի 1-ին մասով՝ պաշտոնեական լիազորություններն անցնելը և 310-րդ  հոդվածով՝ ձեռնարկատիրական գործունեությանն ապօրինի մասնակցելը։ Panorama.am-ը տեղեկացավ ՀՔԾ մամուլի խոսնակ Մարինա Օհանջանյանից։

Նշենք, որ Հ. Աբրահամյանը անհիմն է համարում առաջադրված մեղադրանքը։

«ՀՔԾ-ում ինչ-որ շինծու քրեական գործով ինձ նախ հարցաքննեցին որպես վկա, ապա դրանից անմիջապես հետո անհիմն մեղադրանք առաջադրեցին և ստորագրություն վերցրեցին՝ երկրից չհեռանալու մասին»,- գրել էր Հ. Աբրահամյանը ֆեյսբուքյան իր էջում։