Ամենից շատ կարդացված նյութեր
.jpg "Քննարկվել են Արցախի ու Կալիֆորնիայի միջև տնտեսության, առողջապահության ոլորտներում ծրագրերի իրականացման հեռանկարները")
Քննարկվել են Արցախի ու Կալիֆորնիայի միջև տնտեսության, առողջապահության ոլորտներում ծրագրերի իրականացման հեռանկարները
Սեպտեմբերի 13-ին Արցախի Հանրապետության արտաքին գործերի նախարար Մասիս Մայիլյանն ընդունել է ԱՄՆ Կալիֆորնիա նահանգի պատվիրակությանը, որի կազմում էին Կալիֆորնիայի Սենատի անդամ Էնթընի Պորտանտինոն և Գլենդելի քաղաքապետ Զարեհ Սինանյանը։ Այս մասին հայտնում են ԱՀ ԱԳՆ-ից:
Ողջունելով պատվիրակության այցն Արցախ՝ ԱԳՆ ղեկավարն ընդգծել է Արցախի անկախության սատարմանն ուղղված Կալիֆորնիայի Վեհաժողովի և Սենատի համատեղ բանաձևի ընդունման կարևորությունը և համոզմունք հայտնել, որ այն ամուր հիմքեր է ապահովել Արցախի և Կալիֆորնիայի միջև տարբեր բնագավառներում արդյունավետ համագործակցություն հաստատելու համար։
Հանդիպմանը քննարկվել են ընթացիկ նախագծերը և Արցախի ու Կալիֆորնիայի միջև տնտեսության, մշակույթի, կրթության և առողջապահության ոլորտներում գործնական ծրագրերի իրականացման հեռանկարները։ Անդրադարձ է կատարվել նաև տարբեր ոլորտների ներկայացուցիչների փոխայցելությունների կազմակերպման հնարավորություններին՝ փորձի փոխանակման և Արցախում մասնագետների որակավորման աստիճանի բարձրացման նպատակով։
Կողմերը մտքեր են փոխանակել նաև Կալիֆորնիայում Արցախի ճանաչելիության և ներկայացվածության խթանմանն ուղղված անելիքների շուրջ։
Studio One