Բակո Սահակյանն ու Զոհրաբ Մնացականյանը արտաքին քաղաքականության հարցեր են քննարկել

Արցախի Հանրապետության Նախագահ Բակո Սահակյանն այսօր ընդունել է Հայաստանի Հանրապետության արտգործնախարար Զոհրաբ Մնացականյանին:

ԱՀ նախագահի աշխատակազմի տեղեկատվության փոխանցմամբ՝ քննարկվել են արտաքին քաղաքականությանը և այդ ոլորտում հայկական երկու պետությունների փոխգործակցությանը վերաբերող մի շարք հարցեր:

Հանդիպմանը մասնակցել են ԱՀ արտգործնախարար Մասիս Մայիլյանը, պաշտոնատար այլ անձինք։