Վիեննայի տղաների երգչախումբը և «Մոսկվայի մենակատարներ» նվագախումբը ելույթ կունենան Հայաստանում

Հոկտեմբերի 4-ին Արամ Խաչատրյան համերգասրահում Վիեննայի տղաների երգչախմբի համերգով մեկնարկելու է «Երևանյան հեռանկարներ» 19-րդ միջազգային փառատոնի աշնանային համերգաշարը։

Փառատոնի ֆեյսբուքյան էջից տեղեկանում ենք, որ Վիեննայի տղաների երգչախումբը աշխարհի ամենահին մշտապես գործող երգչախումբն է, որն այսօր 520 տարեկան է: Այդ երգչախմբում երգել և նրա հետ աշխատել են Մոցարտը, Սալիերին, Գլյուկը, Բրուքները, Հայդն եղբայրները, Շուբերտը, Բեթհովենը, Բախը:

Փառատոնի շրջանակում հոկտեմբերի 15-ին Արամ Խաչատրյան համերգասրահում կայանալու է «Մոսկվայի մենակատարներ» կամերային նվագախմբի համերգը՝ դիրիժոր և մենակատար Յուրի Բաշմետ։