Զիդանը չի ցանկանում աշխատել ՄՅՈՒ-ում

Ֆրանսիացի մարզիչ Զինեդին Զիդանը չի ցանկանում աշխատել «Մանչեսթր Յունայթեդում»։ Այս մասին գրում է Լենտա.ռու կայքը՝ հղում անելով Le Parisien-ին։

Մասնագետը կարծում է, որ եթե մրցաշրջանի կեսերից գլխավորի թիմը, որն ուժեղ ցնցումների մեջ է, հնարավոր  ձախողումը կփչացնի իր հեղինակությունը։ Նաև այն փաստն է դեր խաղացել, որ նա չգիտի անգլերեն։ Սկզբանղբյուրը նշում է, որ Զիդանը երազում է աշխատել թուրինյան «Յուվենթուսում»։

Նախօրեին  հայտարարվել էր, որ ֆրանսիացին հնարավոր է զբաղեցնի իտալական ակումբի գլխավոր տնօրենի պաշտոնը։ Ակնկալվում է, որ Բեպպե Մարոտտան առաջիկայում կազատի այդ պաշտոնը։

Դեռ սեպտեմբերի 29-ին էր հայտնվել տեղեկատվություն «Մանչեսթր Յունայթեդի»՝ Զիդանի նկատմամբ հետաքրքրության մասին։ The Mirror-ի տեղեկությամբ, անգլիական ակումբի ղեկավարությունն արդեն նախնական խոսակցություն ունեցել է մարզիչի հետ։

Հաղորդվում է, որ «Մանչեսթր Յունայթեդի» մարզիչ ժոզե Մոուրինյոն մի շարք ֆուտբոլիստների հետ խնդիրներ ունի, և հենց այդ ֆոնին հայտնվել է ֆրանսիացի մարզիչի և ակումբի համատեղ աշխատանքի մասին խոսակցությունները։

Մայիսի 31-ին Զիդանը հայտարարել էր մադրիդյան «Ռեալից» հեռանալու մասին։