«Սանիթեք»-ը կոչով դիմել է երևանցիներին ու Երևանի հյուրերին

Երևանում աղբահանություն իրականացնող «Սանիթեք» ընկերությունն այսօր հանդես է եկել կոչով։

Տարածած հայտարարության մեջ ասված է.

«Ինչպես գիտեք ս.թ. հոկտեմբերի 7-ից 12-ը Հայաստանում անց է կացվելու Ֆրանկոֆոնիայի միջազգային կազմակերպության  17-րդ գագաթնաժողովը,  որին մասնակցելու են բազմաթիվ երկրների ղեկավարներ, պատվիրակություններ և հյուրեր։

Տեղեկացնում ենք, որ վերոնշյալ միջոցառման «մաքուր» անցկացման համար «Սանիթեք» ընկերությունը աշխատելու է գերծանրաբեռնված գրաֆիկով՝ աշխարհին ավելի մաքուր ու գեղեցիկ Երևան ներկայացնելու նպատակով։

Խնդրում ենք ձեզ աջակցել մեզ՝ աղբը նետելով սահմանված վայրերում։

Այդ փոքրիկ, բայց շատ կարևոր գործով կօգնեք մեր աշխատանքի օպերատիվ և ժամանակին իրականացմանը»։