Հայաստանում կանադական բիզնեսին հետաքրքրում է ջրային ռեսուրսների, կեղտաջրերի, թափոնների կառավարման ոլորտները

Այսօր Կանադայի վարչապետ Ջասթին Թրյուդոյի ու ՀՀ վարչապետ Նիկոլ Փաշինյանի  մամուլի ասուլիսի ժամանակ երկրների ղեկավարները նշեցին, որ հանդիպման սկզբից քննարկել են հայ-կանադական բիզնես կապերի ընդլայնման ու զարգացման մասին հարցերը։

Նիկոլ Փաշինյանը նշեց, որ Ջասթին Թրյուդոն պատրաստակամություն է հայտնել նպաստել կանադական ներդրումներին, որի համար կարևոր է նաև կոռուպցիայի դեմ պայքարը, որի շրջանակներում պետք է ստեղծվի միջավայր, որը  բիզնեսը պայմանավորված չի լինի այս կամ այն պաշտոնյայի քմահաճույքներով։

Կանադայի վարչապետն էլ ասաց, որ քննարկվել է մի քանի ոլորտներ, որոնք կարող են հետաքրքիր լինել կանադացի, ինչպես նաև կանադահայ գործարարների համար։

Թրյուդոն նշեց, որ Հայաստանում կանադական ներդրումների համար կարող է հետաքրքիր լինել ջրային ռեսուրսների կառավարման, ենթակառուցվածքային ծրագրերի, կեղտաջրերի ու թափոնների կառավարման ոլորտները, բնական ռեսուրսները։

«Սրանք այն ուղղություններն են, որոնց շուրջ մենք կաշխատենք գալիք ամիսների ընթացքում»,-ասաց Թրյուդոն։