Էրդողանը Դոդոնի ելույթի ժամանակ քնել է

Թուրքիայի նախագահ Ռեջեփ Թայիփ Էրդողանը Մոլդովայի նախագահ Իգոր Դոդոնի հետ համատեղ մամուլի ասուլիսի ժամանակ քնել է։ «Լենտա.ռու»-ի փոխանցմամբ, տեսանյութը թվիթերում հրապարակել է լրագրող Աբդուլլա Բոզկուրտը։

Տեսանյութում երևում է, որ Դոդոնի ելույթի ժամանակ Էրդողանը փակում է աչքերը և կախում գլուխը, սակայն մի քանի վայրկյան անց սթափվում է։

Մամուլի ասուլիսը տեղի է ունեցել Քիշինևում, ուր Էրդողանն առաջին անգամ ժամանել է պաշտոնական այցով։

Ավելի վաղ՝ Սոչիում 2014 թվականին կայացած ձմեռային օլիմպիադայի ժամանակ, առաջին շարքում քնել էր ՌԴ վարչապետ Դմիտրի Մեդվեդևը։
 

#Turkey president #Erdogan is so excited to meet his #Moldova counterpart that he falls a sleep during a joint presser with his host President Igor Dodon in capital city Chisinau. pic.twitter.com/mHfa0lg4wk

— Abdullah Bozkurt (@abdbozkurt) October 17, 2018