Աշխարհի չեմպիոնի մրցախաղի առաջին պարտիան

Լոնդոնում մեկնարկել է աշխարհի չեմպիոնի կոչման մրցախաղը նորվեգացի Մագնուս Կարլսենի և ամերիկացի Ֆաբիանո Կարուանայի միջև: Առաջին պարտիան, որը տևել է ավելի քան 7 ժամ և ավարտվել 115-րդ քայլում, խաղաղ ելք է ունեցել:

Հաջորդ պարտիան կկայանա այսօր` նոյեմբերի 10-ին: Մրցաշարը կավարտվի նոյեմբերի 28-ին: Մրցակիցները կխաղան 12 պարտիա: Հավասար հաշվի դեպքում կնշանակվի թայ-բրեյք: Մրցախաղի մրցանակային հիմնադրամն է 1 միլիոն եվրո: