Հայաստանի հավաքականը 101-րդն է ՖԻՖԱ-ի դասակարգման աղյուսակում

ՖԻՖԱ-ն հրապարակել է ազգային հավաքականների նոր վարկանշային աղյուսակը: Հայաստանի ֆուտբոլի ազգային հավաքականը, ինչպես նախորդ ամիս, զբաղեցնում է 101-րդ հորիզոնականը: Մեր ընտրանու ակտիվում կա 1222 միավոր:

Առաջին տեղում Բելգիայի հավաքականն է` 1727 միավորով, երկրորդն աշխարհի չեմպիոն Ֆրանսիայի հավաքականն է` 1726, իսկ լավագույն եռյակը եզրափակում է Բրազիլիայի ընտրանին` 1676: Լավագույն տասնայում են նաև Խորվաթիայի, Անգլիայի, Պորտուգալիայի, Ուրուգվայի, Շվեյցարիայի, Իսպանիայի և Դանիայի հավաքականները: