Մեր հիմնական անելիքը պետք է լինի Հայաստանի և Արցախի անվտանգության ապահովումը. Արա Բաբլոյան

ԱԺ նախագահ Արա Բաբլոյանն այսօր քվեարկելուց հետո լրագրողների հետ զրույցում հայտնեց, որ իր ձայնը տվել է հանուն Հայաստանի և Արցախի անվտանգության։

ԶԼՄ-ների ներկայացուցիչները խորհրդարանի նախագահից հետաքրքրվեցին՝ ի՞նչ կմաղթի նոր Ազգային  ժողովին։

«Ամեն դեպքում, կարծում եմ, որ մեր հիմնական անելիքը պետք է լինի, ինչպես արդեն ասացի, Հայաստանի և Արցախի անվտանգության ապահովումը, զուգահեռ՝ մեր ջանքերը պետք է ներդնենք տնտեսության զարգացման, բնակչության բարեկեցության համար: Այն ժողովրդավարությունը, որ այս պահին ունենք, պետք է ավելի ամրապնդենք», - ասաց նա: