Հրանտ Մելքումյանը երրորդ անընդմեջ հաղթանակն է տոնել

Լոնդոնում շարունակվում է «Լոնդոն Չեսս Կլասիկ» շախմատային փառատոնը, որի շրջանակներում անցկացվող ՖԻԴԵ Օփեն մրցաշարում տեղի են ունեցել երրորդ տուրի պարտիաները: Ստուգատեսին այս տարի մասնակցում է 40 երկրի 232 շախմատիստ, այդ թվում՝ 19 գրոսմայստեր:

ՖԻԴԵ Օփենում առաջին դասակարգված շախմատիստ, Հայաստանի տղամարդկանց հավաքականի անդամ, գրոսմայստեր Հրանտ Մելքումյանը, ինչպես նախորդ երկու տուրերում, երրորդ տուրի պարտիան ևս ավարտել է հաղթանակով և շարունակում է ընթանալ առաջատարների խմբում: