Հայ շախմատիստուհիները մասնակցում են Շարժայի կանանց մրցաշարին

Արաբական Միացյալ Էմիրություններում մեկնարկել է Շարժայի կանանց գավաթ ավանդական միջազգային մրցաշարը, որն այս տարի անցկացվում է արդեն 9-րդ անգամ:

Շախմատային ֆեդերացիայից տեղեկանում ենք, որ մրցաշարին մասնակցում են 33 երկրների 120 շախմատիստուհի: Մրցաշարում Հայաստանը ներկայացնում են Հայաստանի կանանց հավաքականի անդամ, միջազգային վարպետ Լիլիթ Մկրտչյանը, կանանց միջազգային վարպետ Սոնա Ասատրյանը և Արմինե Բաբայանը:

Մրցաշարում արդեն կայացել են նախատեսված 9 տուրերից 6-ը: Աղյուսակը 5.5-ական միավորով գլխավորում են Ադելա Վելիկիչը և Իրինա Բուլմագան: Լիլիթ Մկրտչյանը և Արմինե Բաբայանը վաստակել են 4.5-ական միավոր, իսկ Սոնա Ասատրյանը՝ 4 միավոր:

Արդյունքների մասին՝ այստեղ։