«Իրատես». Ռեկտորներին էլ են փոխում

«Իրատես» թերթը գրում է. «ՔՊ-ականներն արդեն փաստում են, որ ԿԳ նախարարի պաշտոնակատար Արայիկ Հարությունյանը մնալու է կառավարման օղակում` իր պաշտոնին, և նրա առաջին քայլը ոլորտում կադրային փոփոխություններն են լինելու, ինչի մեկնարկը տրվեց ՀՊՏՀ-ի ռեկտորի փոփոխությամբ։ Բուհերում ռեկտորների փոփոխությունը շարունակվելու է։ Արայիկ Հարությունյանի գերխնդիրը ԵՊՀ-ի ռեկտորի փոփոխությունն է, այս աշխատանքին նա կլծվի 2019-ից, իսկ այս օրերին թեկնածուի փնտրտուք է։

Հարցը լուծվելու է Նիկոլ Փաշինյանի անձնական միջամտությամբ, մյուս ռեկտորների մնալ-չմնալը ևս։ ԵՊՀ-ի ռեկտոր Արամ Սիմոնյանին մեկ անգամ հեռացնելու անհաջող քայլերից հետո, մեր տեղեկություններով, իշխանությունն այս անգամ վճռական է տրամադրված, և մայր բուհի երկար տարիների ռեկտորը ստիպված է լինելու, թերևս, ինքնակամ դիմում գրել ու հեռանալ»:

Մանրամասները թերթի այսօրվա համարում