Ֆրանսիայի դեսպանը Միշել Լեգրանի մասին գրառումը հայերենով է արել

Հայաստանում Ֆրանսիայի արտակարգ և լիազոր դեսպան Ջոնաթան Լաքոթը գրառում է կատարել հայկական արմատներով ֆրանսիացի կոմպոզիտոր Միշել Լեգրանի մահվան կապակցությամբ:

«Այսօր Հայաստանի սրճարաններում և տներում Միշել Լեգրանի մեղեդիներնը կհիշեցնեն, որ այստեղ ոչ ոք չի անտեսում այս ունիվերսալ արտիստի հայկական ծագումը և յուրաքանչյուրը հպարտանում է նրա համաշխարհային համբավով»,-ֆեյսբուքյան իր էջում գրել է դեսպանն ու գրառմանը կցել անվանի դաշնակահարի լուսանկարը։