Ինքնաթիռի բեկորների կողքին հայտնաբերվել է մարդու մարմին

Համացանցում է հայտնվել «Կարդիֆ Սիթիի» ֆուտբոլիստ Էմիլիանո Սալայի ինքնաթիռի բեկորները, որոնք այսօր էին հայտնաբերվել` որոնողական աշխատանքների արդյունքում: BBC-ն հայտնում է, որ ինքնաթիռի կողքին հայտնաբերվել է մարդու մարմին:

Հիշեցնենք, որ Սալան ձմեռայն տրանսֆերային պատուհանի ժամանակ «Նանտից» տեղափոխվել էր «Կարդիֆ Սիթի» և անձնական ինքնաթիռով ժամանում էր նոր թիմ, սակայն վայրէջքից մեկ ժամ առաջ ինքնաթիռն անհետացել էր տեսադաշտից:

Հունվարի 24-ին ոստիկանությունը դադարեցրել էր որոնողական աշխատանքները, սակայն կիրակի օրն աշխատանքները վերսկսվել էին` անձնական միջոցներով հավաքված գումարով: Երկու օրում ֆուտբոլիստի բարեկամներն ու հարազատները հավաքել էին շուրջ 300,000 եվրո գումար: