Ալ Պաչինոն և Ռոբերտ Դե Նիրոն կերիտասարդանան

Դերասաններ Ալ Պաչինոն և Ռոբերտ Դե Նիրոն համակարգչային տեխնոլոգիայի միջոցով կերիտասարդանան Մարտին Սկորսեզեի «Իռլանդացի» ֆիլմում։ kulturomania.ru-ի հաղորդմամբ, այս մասին պատմել է նկարահանող խմբի անդամներից մեկ՝ մոնտաժի մասնագետ Թելմա Շունմեյկերը։
Նրա խոսքով, ֆիլմի առաջին կեսը լինելու է երիտասարդացած դերասաններով։

«Մենք դրա համար օգտագործել ենք Industrial Light and Magic ընկերության տեխնոլոգիան»,- ասել է Թ. Շունմեյկերը։

Նա նշել է, որ նկարահանող խումբը հասկանում է ռիսկի աստիճանը, քանի որ տեխնոլոգիան կատարյալ չէ և թանկ է։ Ներկա պահին երիտասարդացած դերասաններով կադրերը վերջնական արդյունքով որևէ մեկը չի տեսել։ 

Մարտին Սկորսեզեի «Իռլանդացին» ֆիլմի պրեմիերայի ամսաթիվը դեռ անհայտ է։ Ֆիլմի սյուժեն հիմնված է Չարլզ Բրանդտի «Լսել եմ՝ տուն եք ներկում» գրքի վրա։