ԿԳՆ-ն պատրաստվում է հերքել դպրոցներին տրամադրած ադրբեջանական գրքերի մասին տեղեկատվությունը

Երևանի դպրոցներում բաժանվել է մանկական պատմվածքների ժողովածու՝ «Մեր բակի պատմությունը» վերնագրով։ Այս մասին գրել է 168.am-ը՝ նշելով, որ այն ադրբեջաներեն պատմվածքների ժողովածու է, որն ընդգրկում է ադրբեջանցի հեղինակների գործեր. «Ժողովածուն, մեր տեղեկությամբ՝ դպրոցներին է բաժանվել «Կարմիր խաչի» կողմից, բայց ամենաուշագրավն այն է, որ այն երաշխավորված է ՀՀ կրթության և գիտության նախարարության կրթության ազգային ինստիտուտի կողմից»։

Սրա վերաբերյալ Panorama.am-ը փորձեց մանրամասներ ճշտել  Կրթության և գիտության նախարարությունից։

ԿԳՆ տեղեկատվության և հասարակայնության հետ կապերի վարչության պետ Արթուր Բաղդասարյանն ասաց. «Այս պահին նախարարությունը պաշտոնական հերքում է պատրաստում, հաղորդագրությունը շոտով կտարածվի։ Այլ մեկնաբանություն տալ չեմ կարող»։