Սեղմված գազը կվաճառվի կիլոգրամով, քաղաքացին էլ իր օրը կունենա. նախագծերն ընդունվեցին

Ազգային ժողովն այսօր երկրորդ ընթերցմամբ՝ 107  կողմ ձայնով ընդունեց «Տնտեսական մրցակցության պաշտպանության մասին» Հայաստանի Հանրապետության օրենքում լրացումներ և փոփոխություններ կատարելու մասին» ՀՀ օրենքում փոփոխություն կատարելու մասին և կից ներկայացված «Հանրային ծառայությունները կարգավորող մարմնի մասին» ՀՀ օրենքում փոփոխություններ և լրացումներ կատարելու մասին» օրենքների նախագծերը։

«Տոների և  հիշատակի օրերի մասին» օրենքում լրացում կատարելու մասին» օրենքի նախագիծը ևս ընդունվեց երկրորդ ընթերցմամբ և ամբողջությամբ։ Նախագծին կողմ քվեարկեց 97, դեմ` 3 և ձեռնպահ 6 պատգամավոր։

107 կողմ ձայնով ամբողջությամբ ընդունվեց նաև  «Հայաստանի Հանրապետության հարկային օրենսգրքում փոփոխություն կատարելու մասին» օրենքի նախագիծը։