Ամենաանհավանական աղբյուրը, որ կարող է օգնել Փարիզի Աստվածամոր տաճարի վերակառուցմանը

Ապրիլի 15-ին Փարիզի Աստվածամոր տաճարում (Նոտղը Դամ) բռնկված հրդեհի հետևանքով տաճարի ամբողջ տանիքն այրվել է, կառույցի մեծ մասը վնասվել։ Այս մասին հայտնում է Business Insider-ը։

Ֆրանսիայի նախագահ Էմանուել Մակրոնը խոստացել է վերակառուցել տաճարն ու թվիթերում գրել․ «Մենք կվերակառուցենք այն։ Բոլորս միասին»։

Պարզվում է, այդ վերակառուցման աշխատանքներին մեծապես կարող է օգնել 2014թ․-ի «Assassin's Creed Unity» վիդեոխաղը, որի գործողությունները տեղի են ունենում Փարիզում։

Նշվում է, որ խաղի ստեղծող Կառոլին Միուսը 2 տարի շարունակ ուսումնասիրել է Նոտղը Դամը, որպեսզի խաղի մեջ այն ներկայացնի ամենայն մանրամասնորեն ու ճշգրիտ։

Խաղի մեջ տաճարը կենտրոնական դեր է կատարում և խաղացողները կարող են այն ուսումնասիրել ինչպես ներսից, այնպես էլ դրսից։

«Assassin's Creed» խաղերը հայտնի են պատմական վայրերի ճշգրիտ ներկայացմամբ և Նոտղը Դամը բացառություն չէ։