Թելադրություն է գրել 1500 մարդ

Ապրիլի 23-ին ԶԱՆԳԱԿ գրատանը  ԿԳՆ և Լեզվի պետական կոմիտեի աջակցությամբ տեղի է ունենալու «Թելադրություն 2019»  նախագծի ամփոփիչ հանդիպումը։

Հանդիպման ընթացքում կհանձնվեն նվերներ և շնորհակալագրեր, կվերլուծվի թելադրված տեքստը և կամփոփվեն արդյունքները։

Նախագծի կազմակերպիչների փոխանցմամբ, այս տարի նախագիծը ընդլայնել է իր աշխարհագրությունը՝ ընդգրկելով ավելի շատ քաղաքներ և երկրներ: Նախագծին միացել են ՀՀ բոլոր մարզերը, Երևանը, Արցախի Հանրապետությունը,  Ռուսաստանը՝ իր հայաշատ քաղաքներով, Բելառուսը, Գերմանիան, Չեխիան և Շվեյցարիան, Սիրիան, Ուկրաինան։ Թելադրությունը գրել են դպրոցներում, համալսարաններում, թանգարաններում։ Նախագծին մասնակցել է շուրջ 1500 մարդ։

Այն հասարակական նախագիծ է, որն անց է կացվում կամավորական ուժերով:

Թելադրության նպատակն է ցույց տալ, որ գրագետ լինելը կարևոր է յուրաքանչյուր մարդու համար: Հայոց լեզվի յուրացումը հեշտ չէ, սակայն հետաքրքրաշարժ է և օգտակար:

Մասնակցել կարող է յուրաքանչյուր ցանկացող՝ անկախ տարիքից, սեռից, կրթությունից, դավանանքից, մասնագիտությունից, ընտանեկան կարգավիճակից, հետաքրքրություններից և քաղաքական հայացքներից: