«Սպասեք, հույսը վերջինն է մահանում». Դավիթ Անանյան

«Սպայկա» ընկերության 7 մլրդ դրամի չվճարված հարկային պարտավորությունը վերաբերում է միայն 2015 թվականին: Այս մասին այսօր խորհրդարանում լրագրողների հետ ճեպազրույցում ասաց Պետական եկամուտների կոմիտեի նախագահ Դավիթ Անանյանը:

Ըստ նրա՝ 2015-2018 թվականների համար պետք է հաշվարկներ կատարվեն:

«2016-2018 թթ-ն ընկած ժամանակահատվածի մի հատվածի վերաբերյալ տեղեկատվությունը դեռ ստանալու պրոցեսում է»,- ընդգծեց ՊԵԿ նախագահը՝  հավելելով, որ այդ թիվը հավանաբար կաճի:

Հարցին, թե սպասե՞ն խոշոր բացահայտումներին, Դավիթ Անանյանն արձագանքեց. «Սպասեք:  Գիտեք չէ, որ հույսը վերջինն է մահանում, հույսատերը՝ նախավերջինը»: