«Շերեմետևո» օդանավակայան է իջել այրվող ինքնաթիռը

Մոսկովյան «Շերեմետևո» օդանավակայանում վթարային վայրէջքի ժամանակ այրվել է Sukhoi Superjet SSJ-100 ինքնաթիռը, որ ուղղություն էր վերցրել դեպի Մուրմանսկ։

Նախնական տվյալներով՝ ինքնաթիռում այրումը նկատել է ուղևորներից մեկը։ Ինքնաթիռը ստիպված է եղել վերադառնալ։

Օդաչուները նստեցրել են արդեն այրվող ինքնաթիռը, ինչի տեսանյութը տարածել են ականատեսները։

Տեսանյութից երևում է, որ ուղևորներին իջեցնում են փչովի թեքահարթակներով։

Հաղորդվում է, որ առնվազն 13 մարդ է զոհվել։ Ինքնաթիռում էին 72 ուղևոր և 6 հոգանոց անձնակազմ։

Ինքնաթիռի բռնկման փաստով հարուցված է քրեական գործ։