Արմեն Սարգսյան. Վտանգի պահին մեր ժողովրդի թիրախը դառնում է հաղթանակը

«Արցախյան ազատամարտում, ապրիլյան պատերազմի ժամանակ, վտանգի պահին մենք բոլորս՝ ողջ ժողովուրդը ուղղորդվում է և թիրախը դառնում է հաղթանակը։ Սա շատ կարևոր փաստ է»,-Հաղթանակ զբոսայգում լրագրողների հետ զրույցում ասաց ՀՀ նախագահ Արմեն Սարգսյանը։

Նա խորհրդանշական այս օրը, երբ հաղթանակաները հաջորդել են իրար՝ ֆաշիզմի դեմ տարած հաղթանակ, Շուշիի ազատագրում,  Արցախի ինքնապաշտպանության բանակի կազմավորում։

«Հետաքրքիր է մայիսյան այս տոնը։ Գեղեցիկ օրեր են, և այս օրերն ընդմիշտ են»,-ասաց նա։

Հաղթանակ զբոսայգում տոնական միջոցառմանը ներկա են նաև Ամենայն Հայոց կաթողիկոս Գարեգին Բ-ն, պաշտպանության նախարար Դավիթ Տոնոյանը, ՍԴ նախագահ Հրայր Թովմասյանը, ԱԱԾ տնօրեն Արթուր Վանեցյանը, ոստիկանապետ Վալերիյ Օսիպյանը, գործադիր և օրենսդիր մարմինների ներկայացուցիչներ, հայրենական մեծ պատերազմի  մի քանի վետերաններ։